Farmaceutja tregon medikamentet që NUK duhet të kombinoni kurrë me alkool

Keshilla Mjekësore

Gazeta Express

10/11/2025 21:23

Një farmaceute e njohur me mbi 30 vjet eksperiencë ka zbuluar medikamentet që kurrë nuk duhet të kombinohen me alkool, duke paralajmëruar për efektet serioze që kjo mund të shkaktojë.

Deborah Grayson i tha Daily Mail se kombinimi i disa ilaçeve me alkool mund të shkaktojë gjakderdhje të brendshme, mpiksje gjaku, dëmtime të përhershme të mëlçisë, madje edhe vdekje.

“Kam pasur pacientë që përdornin analgjezikë dhe u ndjenë shumë keq pasi i kombinuan me alkool. Mendonin se një sasi e vogël nuk do t’u shkaktonte problem, por pastaj u ndjenë shumë keq”, tha ajo.

Grayson thekson se rreziku varet shumë nga lloji i ilaçit. Më poshtë janë gjashtë llojet e medikamenteve që nuk duhet kurrë të merren me alkool:

1. Antibiotikët

Është e këshillueshme të mos pini alkool gjatë marrjes së antibiotikëve, sidomos metronidazol, i cili mund të shkaktojë të përziera, të vjella, marramendje, zemër-thithje dhe ndjenja të forta sëmundjeje. Ciprofloxacina dhe doxiciklina janë gjithashtu të rrezikshme kur kombinohen me alkool.

2. Holluesit e gjakut

Warfarina dhe ilaçe të ngjashme mund të shkaktojnë mpiksje gjaku ose gjakderdhje të brendshme kur kombinohen me alkool. Grayson paralajmëron se kjo kombinim rrit edhe stresin mbi mëlçi.

3. Ilaçet për ADHD

Medikamentet stimulante, si metilfenidati ose lisdexamfetamine, mund të maskojnë efektin e alkoolit, duke rritur rrezikun e konsumit të tepruar dhe dëmtimeve të padëshiruara.

4. Antidepresantët

Alkooli mund të përkeqësojë depresionin dhe të reduktojë efektivitetin e antidepresantëve. Ilaçe si amitriptilina ose mirtazapina shkaktojnë marramendje dhe gjumë, të cilat përkeqësohen nga alkooli. Ndërsa inhibitorët e monoaminooksidazës (MAOIs) mund të shkaktojnë rritje të rrezikshme të tensionit dhe goditje në tru.

5. Antipsikotikët

Ilaçet për çrregullime mendore ose për të përballuar të vjella, si amisulpride dhe aripiprazole, mund të shkaktojnë gjumë të tepruar dhe humbje të gjykimit kur kombinohen me alkool.

6. Pilulat për gjumë

Kombinimi i alkoolit me pilulat për gjumë, si zopiclone, rrit rrezikun e rrëzimeve dhe mund të bllokojë frymëmarrjen gjatë gjumit. E njëjta paralajmërim vlen edhe për opioidët, gabapentin, antihistaminikët sedativë dhe disa ilaçe për epilepsi.

Grayson përfundon:

“Nuk ia vlen të rrezikoni efektet serioze të këtyre ilaçeve me alkool. Një gotë e vetme mund të ketë pasoja të rënda.” /GazetaExpress/