“Faleminderit që na shpëtuat…”, këto janë vargjet e 8-vjeçarit nga Mitrovica që përloten zjarrfikësit

Lajme

Gazeta Express

30/11/2021 13:02

Ishte ora 1 pas mesnate kur në stacionin e zjarrfikësve në Mitrovicë erdhi një thirrje. Pa ditur se çfarë ka ndodhur, i gjithë ekipi u nis menjëherë drejt një lokacioni për ndërhyrje. Në atë shtëpi, pothuajse të gjithë ishin në gjumë. Pasi ekipi i zjarrfikësve kontrolloi situatën dhe pa se nuk kishte ndonjë gjë për t’u shqetësuar, u sigurua që fëmijëve të cilët ishin duke fjetur të mos iu prishej gjumi dhe të mos krijohej panik.

Gazetare: Egzona Shahini

Njëri nga fëmijët është edhe Aidi, i cili atë natë bëri gjumin e qetë duke mos e kuptuar se çfarë ishte duke ndodhur.

Të nesërmen, pasi 8-vjecari dëgjoi për rastin, shkroi një letër falënderimi për zjarrfikësit.