Facebook sjell Messenger Rooms, rivalin e Zoom'it - Gazeta Express

Facebook sjell Messenger Rooms, rivalin e Zoom’it

AutoTech

Gazeta Express

24/04/2020 23:28

Rrjeti më i madh social në botë, Facebook, i është vënë pas Zoom-it, platformës për video-konferenca.

Facebook ka prezantuar tani Messenger Rooms, platformën për video-thirrje e cila mundëson që deri në 50 përdorues të fillojnë bisedën virtuale me kohë të pakufizuar, shkruan “Digital Trends”.

Sipas kreut të këtij rrjeti social, Mark Zuckerberg, Messenger Rooms mundëson të ftoni kë të doni, madje edhe ata që nuk kanë një llogari të Facebook-ut.

Rooms (“dhomat”) mund të qëndrojnë të hapura në grupe specifike apo në rrethin shoqëror, si dhe ua mundëson përdoruesve hyrjen dhe daljen kur të dëshirojnë.

Zuckerberg, po ashtu, ka thënë se veçoria e re në krye të ballinës së kësaj platforme të re do të shfaqen të gjitha dhomat aktive.

“Mund të hyni kur të doni apo edhe miqtë tuaj mund të hyjnë në dhomën tuaj në çdo kohë”, ka thënë ai.