Eurodeputetja gjermane: Në Kosovë votat u vodhën nga të vjetrit - Gazeta Express

Eurodeputetja gjermane: Në Kosovë votat u vodhën nga të vjetrit

Lajme

Gazeta Express

26/03/2020 12:02

Raportuesja për Kosovën në Parlamentin Evropian, eurdeputetja gjermane, Viola von Cramon, e ka quajtur tragjike atë që ndodhi të mërkurën mbrëma në Kuvendin e Kosovës, ku u rrëzua Qeveria Kurti përmes një mocioni.

Ajo në një reagim në postimin e ambasadorit Boris Ruge, zv.president i Konferencës së Munihut, ka shkruar në Twitter, se tash votat janë vjedhur sërish nga të vjetrit.

“Nuk e di se çfarë të them. Një klasë politike totalisht e papërgjegjshme. Vendosin interesat partiake dhe karrierat e tyre para vendit të tyre. Njerëzit e gjorë në Kosovë kanë shpresuar për reforma, sundim të ligjit, drejtësi dhe të ardhme më të mirë. Tash votat janë vjedhur nga të vjetrit sërish. Tragjike!”, ka shkruar ajo.