Euro bie në nivel historik ndaj lekut, sezoni turistik thellon rënien

Shqiperi

Gazeta Express

12/07/2025 20:27

Kjo javë ka sjellë një dobësim të ndjeshëm të euros ndaj lekut shqiptar, duke e çuar kursin e këmbimit në nivelin më të ulët të regjistruar ndonjëherë.

Sipas kursit zyrtar të Bankës së Shqipërisë, një euro këmbehet me vetëm 97.84 lekë. Në tregun e lirë valutor, monedha europiane blihet me rreth 97.3 lekë dhe shitet me 98.1 lekë.

Ekspertët dhe agjentët e këmbimit valutor e lidhin këtë zhvlerësim të mëtejshëm të euros me sezonin turistik, i cili sjell një prurje të shtuar të valutës nga turistët që vizitojnë Shqipërinë, duke rritur ofertën dhe duke ulur çmimin e saj në raport me lekun.

Kjo rënie historike e euros pritet të ketë ndikim si tek eksportuesit ashtu edhe në tregun e brendshëm, ndërsa kursi i këmbimit mbetet i luhatshëm dhe nën presion të vazhdueshëm nga flukset valutore sezonale.