Hingëllimat dhe trokitjet e patkonjve dëgjohen prej së largu. Për këtë vajzë të vogël që po i bën përgatitjet për të kalëruar, ky vend do të thotë dashuri. Ajo në shkollën e hipizmit në “Equos Resort” në Tiranë, ka filluar ta mësoj kalërimin. Është pikërisht dashuria për kafshët e veçanërisht për kuajt, ajo që po e shtynë të përgatitet.
Gazetare: Syzana Hajradini
Kuajt këtu pasi morën dozën e ledhatimeve, dalin nga bokset dhe përgatitën për stërvitje.
Sportin elitar të hipizmit në “Equos Resort”, do ta kenë mundësi ta ushtrojnë të gjithë, madje dhe të marrin mësime nga profesionist si Gazmen Brahimi, i cili është shtatë herë kampion kombëtar dhe instruktor i kësaj qendre.