Energji Amerikane për industrinë rajonale – Lab Oil siguron furnizim të qëndrueshëm me 65 mijë ton Petroleum Coke

Lajme

Gazeta Express

10/04/2026 20:03

Anija “Thor Infinity” mbërrin në Durrës, ndërsa anija “Equinox Eagle” pritet më 12 prill

Lab Oil sh.p.k. vazhdon të forcojë pozicionin e saj si partner i besueshëm energjetik për industrinë vendase, duke sjellë nga Shtetet e Bashkuara të Amerikës një furnizim prej 45’000 tonelata Petroleum Coke – një burim energjie me performancë të lartë dhe standarde ndërkombëtare cilësie.

Sot në portin e Durrësit ka mbërritur anija “Thor Infinity”, duke shënuar një tjetër hap konkret në garantimin e furnizimit të qëndrueshëm dhe të sigurt për sektorin industrial. Ky zhvillim konfirmon angazhimin e Lab Oil për të ofruar stabilitet energjetik dhe për të mbështetur operacionet industriale me burime të besueshme dhe efikase.

Ndërkohë, zinxhiri i furnizimit vijon pa ndërprerje. Anija “Equinox Eagle”, me kapacitet prej 20.000 tonelatash, ka ka kaluar tashmë Ngushticën e Gjibraltarit dhe pritet të mbërrijë në portin e Durrësit më 12 prill, duke garantuar vazhdimësinë e furnizimit me të njëjtin standard të lartë.

Në një kontekst më të gjerë, Lab Oil po konsolidon rolin e saj si furnizues rajonal strategjik, duke mbuluar me kapacitete të qëndrueshme tregjet e Shqipërisë, Kosovës, Maqedonisë së Veriut, Malit të Zi dhe Serbisë. Përmes një logjistike të strukturuar dhe partneriteteve të besueshme, kompania po kontribuon në rritjen e sigurisë energjetike dhe zhvillimin industrial në të gjithë rajonin.

Ky nuk është thjesht një operacion furnizimi, por një kontribut i drejtpërdrejtë në zhvillimin industrial afatgjatë, përmes sigurimit të energjisë së qëndrueshme dhe efikasitetit operacional për bizneset vendase e rajonale.

USA Energy!
Guaranteed Quality!