EMRI/ Atentat me armë zjarri ndaj 56 vjeçarit në Tiranë

Shqiperi

Gazeta Express

12/01/2025 21:44

Të shtëna me armë zjarri janë regjistruar mbrëmjen e kësaj të diele tek “Pallati me Shigjeta” në Tiranë.

Policia njofton se është qëlluar në drejtim të një automjeti, ku fatkeqësisht ka humbur jetën Bujar Nasufi, 56-vjeç.

“Më datë 12.01.2025, rreth orës 20:40, tek “Pallati me Shigjeta” në rrugën “Myrte Zeneli”, është qëlluar me armë zjarri në drejtim të një automjeti me drejtues shtetasin B.N, rreth 56 vjeç, i cili si pasojë ka humbur jetën.

Një grup i posaçëm hetimor, nën drejtimin e Prokurorisë, ndodhet në vendngjarje dhe vazhdon punën për sqarimin e rrethanave të ngjarjes, identifikimin dhe kapjen e autorit/ëve të dyshuar.

Shërbimet e Policisë kanë ngritur pika kontrolli dhe po ushtrojnë kontrolle në zonë për kapjen e autorit.

Informacion më të detajuar mbi këtë ngjarje do të japim në vijim pas veprimeve  hetimore paraprake”, thuhet në njoftim.