Emiratet e Bashkuara Arabe thonë se rezervojnë ‘të drejtën e plotë dhe legjitime’ për t’iu përgjigjur sulmit iranian

Lajme

Gazeta Express

04/05/2026 19:50

Një deklaratë e re nga Emiratet e Bashkuara Arabe, thuhet se e mbajnë Iranin “plotësisht përgjegjës” për sulmet e reja të sotme, ka raportuar BBC, transmeton Gazeta Express.

“Këto sulme përbëjnë një përshkallëzim të rrezikshëm dhe një shkelje të papranueshme”, thuhet në deklaratë, duke shtuar se ato shkelin parimet e së drejtës ndërkombëtare dhe Kartën e Kombeve të Bashkuara.

Emiratet e Bashkuara Arabe gjithashtu thonë se “rezervojnë të drejtën e tyre të plotë dhe legjitime për t’iu përgjigjur këtyre sulmeve” në përputhje me të drejtën ndërkombëtare.

Televizioni shtetëror iranian ka cituar një “zyrtar të lartë ushtarak” të paidentifikuar që thotë se “Irani nuk ka pasur plane për të synuar Emiratet e Bashkuara Arabe”. Asnjë zyrtar nuk është përgjigjur më tej.