Emigrantët ankohen për çmimet: Pushimet në atdhe këtë verë kushtuan më shumë

Shqiperi

Gazeta Express

22/08/2025 15:00

Dhjetëditëshi i fundit i muajit gusht shënon çdo vit kthimin e pushuesve dhe emigrantëve shqiptarë nga porti i Vlorës drejt vendeve ku jetojnë e punojnë, kryesisht Italia dhe shtete të tjera të Bashkimit Europian.

Edhe këtë sezon veror, tabloja është e njëjtë: mijëra persona nisen pas javëve të kaluara në Shqipëri pranë familjes dhe miqve.

Shumica e qytetarëve thonë se pushimet në vendlindje gjithnjë kanë një emocion të veçantë, por shqetësim i përbashkët mbetet rritja e çmimeve, sidomos në sektorin e akomodimit dhe ushqimit.

Sipas tyre, ky shtrenjtim është ndjerë dukshëm gjatë sezonit të këtij viti, duke i bërë shpenzimet më të larta se vitet e kaluara.

Pavarësisht kritikave, Vlora mbetet një nga destinacionet më të preferuara për shqiptarët e diasporës.