Emigracioni në Britani në nivelin më të lartë që nga lufta e Dytë Botërore

Lajme

Gazeta Express

24/11/2022 16:51

Sipas statistikave të reja të Home Office, emigrimi në Britani u rrit me një shifër prej 504,000 nga qershori i vitit 2021 deri në qershor të vitit 2022, ku shifra është më e larta që ka parë Britania e Madhe që nga fundi i Luftës së Dytë Botërore, me rekordin e mëparshëm të pasluftës që ishte vendosur në 390,000 në vitin 2015.

Numri është rritur me 331,000 persona krahasuar me një vit më parë.

Numri i emigrantëve që erdhën në Britaninë e Madhe në vitin 2021 ishte 173,000, që do të thotë një rritje prej 191%, raporton tabloidi britanik The Sun.

Statistikat e reja vijnë pasi Sekretarja e Brendshme britanike, Suella Braverman, po përballet me një presion në rritje për të trajtuar çështjen e anijeve të vogla që mbërrijnë në Britani.

Sekretarja e Brendshme gjithashtu po përballet me një shqyrtim pasi vetëm muajin e kaluar ajo i tha Konferencës së Konservatorëve qëllimi i saj është të zvogëlojë emigrimin neto në dhjetëra mijëra.

Ka një sërë arsyesh pse statistikat e fundit të emigracionit në Britani janë jashtëzakonisht të larta, ku shumë prej tyre janë ngjarje të mëdha globale.

Rreth 33,000 emigrantë kanë hyrë në Britani në mënyrë të paligjshme në nëntë muajt e parë të këtij viti, ku nga kjo shifër 11,241 emigrantë ishin të ardhur nga Shqipëria. Numri i personave që iu dha azil në vitin 2022 ishte 24% më i ulët se në vitin 2019, por ka pasur një rritje prej 77% në kërkesat për azil.

Vizat studentore janë rritur në nivelin më të lartë rekord, me 476,000 të dhëna vitin e fundit, ku shifra shënon një rritje prej 77% në vitin 2019. Një zëdhënës tha se Rishi Sunak është i vendosur të shohë një rënie në migrimin neto.