El Ainaoui drejt largimit nga Roma

Futboll

Gazeta Express

10/04/2026 20:19

Mesfushori maroken Nael El Ainaoui po shqyrton mundësinë e largimit nga Roma për shkak të minutave të kufizuara në fushë.

Reprezentuesi i Marokut iu bashkua klubit italian verën e kaluar nga RC Lens për 23 milionë euro, duke firmosur kontratë deri në vitin 2030.

Sipas raportimeve nga Radio Roma, mesfushori nuk ka arritur të sigurojë një vend të qëndrueshëm në formacion dhe po shqyrton opsionet për të ardhmen.

Ai ka qenë titullar vetëm tetë herë këtë sezon, një shifër që e konsideron të pamjaftueshme dhe që ka shtuar dëshirën për të ndryshuar ambient.

Në total, El Ainaoui ka zhvilluar 28 ndeshje në të gjitha kompeticionet, duke grumbulluar 1,362 minuta lojë, me një gol dhe një asist. Megjithatë, mungesa e minutave ka ndikuar negativisht në formën e tij dhe ai ende nuk ka arritur të konsolidohet në formacionin e “Giallorossëve”. /GazetaExpress/