Ekstradohet nga Spanja në Itali shqiptari i shumëkërkuar, i akuzuar për trafik kokaine

Lajme

Gazeta Express

17/03/2026 10:40

Italia ka ekstraduar nga Spanja shqiptarin e shumëkërkuar për trafik kokaine, anëtar i fundit i organizatës së goditur një vit më parë në Cittadella dhe Padova.

karabiniere Ai ishte arratisur drejt Barcelonës, ku fshihej prej vitit 2024, kur nisën hetimet dhe operacioni. Autoritetet kishin mundur të arrestonin 4 nga anëtarët e bandës, 3 shqiptarë dhe një rumun, por i pesti u kishte shpëtuar.

Pasi u gjurmua në Spanjë, ai u ekstradua së fundmi. Banda, me bazë midis Cittadella dhe Piazzola sul Brenta, kishte krijuar një biznes me klientë nga Padova, si dhe nga provincat fqinje të Vicencës dhe Trevizos. Hetimi filloi në vitin 2024 me arrestimet e para. Midis marsit dhe prillit, u arrestuan një banor italian në zonën e Trevisos dhe një shqiptar që jetonte në zonën e Vicencës.

Në tetor 2024, u arrestuan katër persona të tjerë: dy italianë, një boshnjak dhe një shtetas maroken. Përveç arrestimeve, policia sekuestroi gjithashtu 30 mijë euro në para të gatshme dhe një makinë të madhe. Gjatë një viti e gjysmë, banda kishte trafikuar pesë kilogramë kokainë, duke bërë mesatarisht 30 deri në 40 transaksione në ditë. Droga shitej për 80 deri në 100 euro për gram dhe tregtarët i quanin “të bardhë”, “të bukur” ose “të mirë”.