Ekipi më i dobët në Evropë, e regjistron rekordin më negativ ndër 55 liga

Futboll

Gazeta Express

06/10/2025 15:35

Evropa e ka një skuadër aktuale, me ecurinë më të dobët në të 55 kampionatet e elitës. Bëhet fjalë për Glenavon në Irlandën e Veriut.

Glenavon nuk ka grumbulluar asnjë pikë, ndërsa ka luajtur 10 ndeshje në total.

Gjatë kësaj kohe ka shënuar vetëm 3 gola, teksa ka pësuar 20 të tjerë.

Klubi historik në Irlandën e Veriut, që është themeluar në vitin 1889, duket se e ka të pashmangshme rënien nga kategoria, shkruan Panorama.

Dhe pse në elitë qëndron prej 12 vitesh pa shkëputje, ky sezon është më i dobëti.