Efekti Ronaldo, Pogba vendos të qëndrojë te Man Utd

Futboll

Gazeta Express

13/09/2021 19:53

Prej ardhjes së Cristiano Ronaldos në Manchester United, gjithçka ka ndryshuar në klub.

Tifozët janë më të elektrizuar dhe lojtarët gjithashtu, përfshirë Paul Pogban, i cili raportohet se ka ndryshuar mendje dhe dëshiron të qëndrojë në “Old Trafford”.

Pogba ka “shpërthyer” këtë edcion, duke kontribuar me shtatë asistime, teksa thashethëmet për largim nga klubi tani më janë zhdukur plotësisht.

Sipas The Athletic, Pogba është ndikuar nga ardhja e Ronaldos dhe tani dëshiron të qëndrojë dhe të rinovojë kontratën, e cila skadon në qershor të vitit të ardhshëm.

Që nga janari, Pogba do të jetë i lire të negociojë me klube tjera, ndërsa raportohet se bisedimet për zgjatjen e kontratës me “Djajtë e Kuq” do të nisin së shpejti.

Ardhja e Ronaldos i ka dhënë Manchester Unitedit arsye për të besuar në sukses, shto këtu transferet si Jadon Sancho dhe Raphael Varane.