Edi Rama publikon fotografi nga takimi me Isa Mustafën në Prapashticë

Gazeta Express

30/06/2020 11:11

Kryeministri i Shqipërisë, Edi Rama, është takuar sot me kreun e Lidhjes Demokratike të Kosovës, Isa Mustafa, raporton Gazeta Express.

Takimi Rama – Mustafa është zhvilluar në shtëpinë e kreut të LDK-së, në Prapashticë.

Kryeministri i Shqipërisë, Edi Rama, ka publikuar në profilin e tij në Facebook një fotografi nga takimi me Mustafën.

“NË PRISHTINË – Me kryetarin e LDK, Isa Mustafa, i nderuar nga mikpritja në shtëpi ku mu dha rasti të njoh edhe familjen e tij të bukur ?” , ka shkruar ai.

Rama pritet që sot të takohet edhe me kreun e AKR-së, Behgjet Pacolli, dhe kryetarin e Prishtinës, Shpend Ahmeti.

Pas këtyre takimeve, ai do të mbajë një konferencë për media. /GazetaExpress/