Edi Rama ndan pamje nga ndërtimi i rrugës që lidh Shkodrën me Gjakovën: Ndër segmentet me të rëndësishme të veriut

Lajme

Gazeta Express

02/08/2025 14:45

Edi Rama, kryeministër i Shqipërisë, ka ndarë pamje nga ndërtimi i Rrugës së Dukagjinit, rrugë e cila lidh Shkodrën me Gjakovën. Për këtë rrugë, Rama ka thënë se është një ndër segmentet me të rëndësishme të veriut të vendit, shkruan Gazeta Express.

Rama ka bërë të ditur se tashmë është mbyllur ‘‘loti 1, Prekal-Kir prej 17 km’’.

Po ashtu, kryeministri shqiptar ka thënë se investimi në fjalë ka një impakt të madh jo vetëm për banorët e fshatrave përreth, por mundëson edhe ndërlidhjen e të gjithë rrjetit rrugor të Alpeve në funksion të zhvillimit të turizmit dhe ekonomisë rurale.

Postimi:

Rruga e Dukagjinit apo aksi Prekal-Lotaj-Ndërlysaj, është një ndër segmentet me të rëndësishme të veriut të vendit, që lidh Shkodrën me Lekbibaj në Tropojë e në vijim me Bajram Currin, luginën e Valbonës si dhe me Gjakovën në Kosovë🤝

 🛣️Rruga është ende në ndërtim e sipër, ku aktualisht është mbyllur loti 1, Prekal-Kir prej 17 km, dhe ka filluar loti i dytë Kir-Ndërlysaj🧱👩‍🏭👷‍♀️👷‍♂️

🏗️Ky investim ka një impakt të madh jo vetëm për banorët e fshatrave përreth, Kir, Prekal, Shosh, Shalë, Bradhosh, Xhan, që i lidh me Shkodrën, por mundëson edhe ndërlidhjen e të gjithë rrjetit rrugor të Alpeve në funksion të zhvillimit të turizmit dhe ekonomisë rurale /GazetaExpress