Largimet nga Drita nuk kanë të ndalur.
Marko Simonovski është futbollisti i radhës që i ka ndarë rrugët me klubin gjilanas, shkruan “Gazeta Express”.
“Intelektualët” kanë njoftuar përmes faqes së tyre zyrtare se e kanë ndërprerë bashkëpunimin me sulmuesin e rrezikshëm, i cili në 70 ndeshje i realizoi 32 gola.
Bardhekaltrit e falënderuan futbollistin për kontributin dhe i uruan atij suksese.
Simonovski është lojtari i katërt që brenda pak ditësh largohet nga Drita pas Hamdi Namanit, Ilir Blakçorit dhe Ardian Limanit.
Drejtuesit e klubit kanë paralajmëruar largime të shumta nga ekipi gjilanas. /Gazeta Express/