Edhe një person i arrestuar në veri për rastin e 4 kilogramëve marihuanë

Lajme

Gazeta Express

27/03/2023 23:52

Policia e Kosovës njofton se sot Njësia e antidrogës në Mitrovicë të Veriut pas hetimeve të bëra për rastin e datës 24 mars 2023, kur është konfiskuar një sasi e drogës, ka arritur të identifikojë dhe lokalizojë edhe një të dyshuar tjetër me iniciale I.R.

I dyshuari është dërguar në mbajtje për 48 orë, bëhet e ditur me anë të një komunikate të Policisë.  

Kjo është komunikata e plotë:

Antidroga e Policisë së Kosovës në veri të Mitrovicës pas hetimeve të kryera arreston edhe një person tjetër lidhur me rastin e datës  24.03.2023, ku ishin konfiskuar mbi 4 kg marihuanë 

Prishtinë, 27 mars 2023 

Sot më datë 27.03.2023 njësia e antidrogës (DHTN) Mitrovicë veri pasi hetimeve të bëra për  rastin e datës 24.03.2023 ku është konfiskuar një sasi e drogës, kanë arrit të identifikojnë dhe lokalizojnë edhe një të dyshuar tjetër me iniciale (I. R.).

I dyshuari i lartcekur është arrestuar dhe me urdhër të prokurorit kompetent është dërguar në mbajtje 48 orë për procedura të mëtejme ligjore.

Si prova materiale Policia nga i dyshuari ka sekuestruar një automjet dhe një telefon, përderisa njësia e antidrogës së Mitrovicës veri janë duke kryer hetime relevante për rastin.