‘Edhe mosha të reja të shtruar’, si është situata në Infektiv. Pacientë në gjendje serioze dhe të rëndë, ja ç’thotë Ministria

Gazeta Express

07/07/2020 10:48

Situata vazhdon te jete kritike ne spitalin Infektiv, ku vazhdon te kete shtrime, edhe ne mosha te reja.

Ministria e Shendetesise ka njoftuar sot se “Vijon të ketë shtrime në spitalin infektiv ku aktualisht janë 81 pacientë në spital, mes tyre edhe mosha të reja”.

Nga pacientet e shtruar, 7 pacientë janë në terapi intensive në gjendje serioze dhe 2 prej tyre janë të intubuar në gjendje të rëndë.

“Ministria e Shëndetësisë dhe Mbrojtjes Sociale kërkon edhe njëherë ndërgjegjësim nga bizneset dhe qytetarët, që të jenë të kujdesshëm në zbatimin e masave të distancimit fizik, vendosjes së maskës dhe higjienës personale”- apeloi sot Dr. Rovena Daja nga
Instituti i Shëndetit Publik.

Ajo kujtoi gjithe qytetaret se “Në rast se dyshoni se jeni i prekur nga COVID19 apo keni patur kontakte me persona të prekur, izolohuni. Në rast se keni shenja të sëmundjes, telefononi në numrin e Urgjencës Kombëtare, 127.
Telefononi në linjën e gjelbër 0800 40 40 për këshillim psikologjik apo çdo informacion për Covid19.”

COVID-19 – Statistika (7 Korrik 2020)
Testime totale 29669
Raste pozitive 3038
Raste të shëruara 1744
Raste Aktive 1213
Humbje jete 81 (Qarku Tiranë 44, Durrës 13, Fier 5, Vlorë 2, Shkodër 12, Kukës 1, Elbasan 2, Lezhë 1, Berat 1)