E trishtë në Durrës, ndërron jetë në spital 12 vjeçarja

Shqiperi

Gazeta Express

07/02/2025 20:40

Një 12-vjeçare ka humbur jetën si pasojë e një hemorragji cerebrale mbërmjen e së premtes në spitalin e Durrësit.

Mësohet se vajza, është paraqitur në urgjencën e pediatrisë me kriza epileptike, ku ka marrë mjekimin fillestar dhe gjendja e saj është stabilizuar përkohësisht.

Megjithatë, disa momente më vonë, gjendja e saj është përkeqësuar dhe është transferuar në reanimacionin e të rriturve, ku fatkeqësisht ka ndërruar jetë.

Mjekët e spitalit rajonal të Durrësit e cilësojnë këtë një rast tepër të rrallë tek fëmijët dhe shprehen se shkaku mund të ketë qenë një aneurizëm ose një keqformim i lindur.