E shtruar në Infektiv prej 3 ditësh, Silva Bino tregon për gjendjen e saj shëndetësore

Gazeta Express

28/09/2020 16:28

Shefja e Shërbimit Epidemiologjik në ISHP, një nga zërat dhe fytyrat që jemi mësuar shpesh të hasim në ekrane, duke na mbajur të informuar për ecurinë e virusit dhe situatën në vendin tonë, prej ditësh rezulton e prekur nga Covid-19.

Bino është shtruar në spitalin Infektiv që ditën e premte, ndërsa sot ajo ka folur për mediat duke bërë me dije dhe gjendjen e saj shëndetësore.

Shefja e ISHP-së ka konfirmuar se është prekur nga koronavirusi, duke thënë se në përgjithësi është mirë dhe nuk po trajtohet me oksigjen.

Bino thotë se është e vetëdijshme se kua ka gabuar në masën e sigurisë, duke shtuar se për më gjatë do të flasë më vonë.