E promovoi në La Liga, 40-vjeçari Cazorla rinovon edhe për një vit me Oviedon

Futboll

Gazeta Express

13/07/2025 9:34

Ish-mesfushori organizator i Arsenalit, Santi Cazorla, ka rinovuar kontratën për një vit me skuadrën e sapo-ngjitur në La Liga, Real Oviedo, njoftoi klubi spanjoll të shtunën.

Cazorla, i cili mbush 41 vjeç në dhjetor, iu bashkua Oviedos në gusht të vitit 2023 dhe sezonin e kaluar udhëhoqi klubin e tij të fëmijërisë drejt rikthimit në elitën e futbollit spanjoll pas 24 vitesh mungesë.

Gjatë 81 paraqitjeve me përfaqësuesen e Spanjës, ai fitoi Kampionatin Evropian në vitet 2008 dhe 2012.

Cazorla gjithashtu ngriti dy herë trofeun e FA Cup gjatë kohës që luante në Angli.

“Me këtë rinovim, Santi Cazorla, një simbol dhe emblemë e Oviedos, vërteton se ëndrrat, kur ndiqen me zemër, bëhen realitet,” thuhet në deklaratën e klubit asturian.

“Real Oviedo ka siguruar drejtimin e një futbollisti që mishëron vlerat e klubit si pak të tjerë, si në fushë ashtu edhe jashtë saj”, thuhet më tej.