E mitura nga Gjilani u dhunua për dy muaj rresht nga një i rritur - Gazeta Express

E mitura nga Gjilani u dhunua për dy muaj rresht nga një i rritur

Lajme

Gazeta Express

27/09/2020 9:44

Një vajzë e mitur nga Gjilani ka raportuar në polici se është dhunuar nga një i dyshuar i moshës madhore, raporton Express

E mitura ka raportuar se rasti kishte ndodhur gjatë muajve janar dhe shkurt, ndërkaq rastin në polici e ka paraqitur e shoqëruar nga nëna e saj.

 Viktima femër e mitur në shoqërim me nënën e saj femër kosovare kanë raportuar se në muajt e cekur të këtij viti është dhunuar nga i dyshuari mashkull madhor kosovar”,  bëhet ne ditur në raportin 24 orësh të Policisë së Kosovës.

I dyshuari është arrestuar dhe pas intervistimit është dërguar në mbajtje për 48 orë.

“ Lidhur me rastin është arrestuar i dyshuari i lartcekur dhe pas intervistimit, me vendim të prokurorit kujdestar të dyshuarit i është caktuar masa e ndalimit për 48 orë”, njofton policia./GazetaExpress/