E konfirmon FSHF: Ylber Ramadani mungon në dy ndeshjet e shtatorit

Futboll

Gazeta Express

31/08/2025 12:26

Mesfushori i kombëtares shqiptare, Ylber Ramadani, nuk do të jetë i gatshëm për dy ndeshjet e muajit shtator.

Ai do të mungojë në miqësoren ndaj Gjibraltarit më 4 shtator dhe në sfidën kualifikuese të Botërorit 2026 kundër Letonisë në “Air Albania”.

Lajmi është konfirmuar nga Departamenti i Komunikimit në FSHF, i cili bëri të ditur se futbollisti vuan nga një infeksion i përsëritur i laringut.

Sipas federatës, gjendja e tij kërkon disa ditë pushim dhe terapi me antibiotikë, duke e pamundësuar grumbullimin me Kombëtaren.

Mungesa e Ramadanit është një goditje për trajnerin Sylvinho, pasi mesfushori ka qenë një nga lojtarët më të rëndësishëm në skemën e tij gjatë ndeshjeve të fundit.