E konfirmon FIBA, Peja do të marrë pjesë në Europe Cup

Basketboll

Gazeta Express

02/10/2023 13:34

FIBA e ka konfirmuar pjesëmarrjen e klubit të basketbollit Peja në FIBA Europe Cup.

Kampionia kosovare do të nisë gjithçka nga faza e grupeve, respektivisht nga Grupi H, ku do të jetë pjesë së bashku me ekipet Niners Chemnitz nga Gjermania, Spojnia Stargard nga Polonia dhe Heroes Den Bosch nga Holanda.

Peja nuk arriti të kualifikohej tutje në Ligën e Kampionëve dhe tash do t’i vazhdojë garat në Europa Cup, shkruan “Gazeta Express”.

Verdhezinjtë do ta zhvillojë ndeshjen e parë në këtë kompeticion më 18 tetor kundër gjermanëve të Niners Chemnitz.

Kjo do të jetë hera e dytë për pejanët që do të marrin pjesë në FIBA Europe Cup. /Gazeta Express/