Një djalë në moshë të re është arrestuar për të dytën herë Brenda pak minutash nga ana e policisë së Tiranës. I riu 28 vjeçar ishte përcjellë drejt drejtorisë vendore të policisë së Tiranës nën akuzën e dhunës në familje.
Por i riu ka gjetur momentin dhe ka goditur policien e më tutje është arratisur nga godina e policisë. I arrestuari ka kaluar vetëm pak metra ambientet e drejtorisë, është kapur nga efektivët që ndodheshin aty rrotull.
Njoftimi i policisë së Tiranës:
Më datë 25.09.2020, rreth orës 16:00, nga specialistët për Hetimin e Krimit në Komisariatin e Policisë Nr.3, u bë arrestimi në flagrancë i shtetasit K.P., 28 vjeç, banues në Tiranë.
Ky shtetas ishte i shoqëruar në ambientet e DVP Tiranë për veprën penale ‘Dhuna në familje’ pasi ishte denoncuar nga babai i tij, dhe në momentin që Punonjësi i Policisë po e shoqëronte për në katin e parë të Drejtorisë Tiranë, ky shtetas e ka kundërshtuar me dhunë duke e goditur punonjësin e policisë dhe ka tentuar të largohet nga ambientet e DVP Tiranë por është kapur dhe prangosur disa metra më tej nga Forcat e Posaçme ‘Shqiponjat’.
Në përfundimin të veprimeve u bë arrestimi në flagrancë i shtetasit K. P., për veprat penale ‘Goditje për shkak të detyrës’, ‘Kundërshtim me dhunë i punonjësit të Policisë’ dhe ‘Mosbindje ndaj urdhrit të punonjësit të Policisë’ dhe ‘Dhuna në familje’, dhe materialet i kaluan Prokurorisë pranë Gjykatës së Shkallës së Parë të Rrethit Gjyqësor Tiranë, për veprime të mëtejshme.
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...