Dy ish-ushtarë amerikanë dënohen me nga 20 vjet burg për grusht shtetin e dështuar në Venezuelë - Gazeta Express

Dy ish-ushtarë amerikanë dënohen me nga 20 vjet burg për grusht shtetin e dështuar në Venezuelë

Lajme

Gazeta Express

08/08/2020 23:33

Një gjykatë në Venezuelë i ka dënuar dy ish-ushtarë amerikanë me 20 vjet burgim nën akuzuat se janë përfshirë në përpjekjen për ta rrëzuar presidentin Nicolas Maduro nga pushteti.

Luke Denman dhe Airan Berry janë shpallur fajtorë për komplot, trafikim të paligjshëm të armëve dhe terrorizëm, shkruan BBC.

Dyshja ishte në mesin e 13 personave të arrestuar gjatë muajit maj që janë përpjekur të hyjnë në Venezuelë përmes detit nga Kolumbia.

Prokurori i Përgjithshëm, Tarek William Saab, përmes një shkrimi në Twitter, ka thënë se “mercenarët” amerikanë e kanë pranuar përgjegjësinë e tyre për faktet që janë zbuluar.