Dy debutues i dhurojnë fitoren Real Madridit në Ligën e Kampionëve

Sport

Gazeta Express

17/09/2024 23:01

Real Madridi ka realizuar një fitore me shumë mund ndaj Stuttgartit në sfidën hapëse të edicioni të ri në Ligën e Kampionëve, me rezultat 3-1.

Pjesa e parë nuk prodhoi asnjë gol, shkruan Gazeta Express.

Teksa me të filluar pjesa e dytë madrilenët shënuan përmes Mbappes i cili gjeti golin në debutim, falë një asistimi të Rodrygos.

Stuttgarti u hodh në sulm dhe gjeti golin e barazimit përmes Deniz Undav.

Mirëpo, “Los Blancos” nuk u dorëzuan dhe shtatë minuta para fundit, rikthyen epërsinë përmes Antonio Rudigerit.

Fitoren e vulosi, Endrick i cili debutoi në Ligën e Kampionëve me fanellën e Los Blancos.

Ai shënoi në minutën e pestë shtesë.

Real Madridi ndeshjen e radhës e luan në udhëtim tek Lille, kurse Stuttgarti pret në shtëpi Sparta Praguen./Gazeta Express