Duda Balje u takua me Myftiun Tërnava për disa projektligje, Melihate Tërmkolli kërkon arrestimin e saj: A ka shtet këtu - Gazeta Express
string(118) "duda-balje-u-takua-me-myftiun-ternava-per-disa-projektligje-melihate-termkolli-kerkon-arrestimin-e-saj-a-ka-shtet-ketu"

Duda Balje u takua me Myftiun Tërnava për disa projektligje, Melihate Tërmkolli kërkon arrestimin e saj: A ka shtet këtu

Lajme

Gazeta Express

28/02/2024 10:35

Ish-deputetja Melihate Tërmkolli ka bërë thirrje që të arrestohet deputetja Duda Balje, pas takimit që ka zhvilluar me Kryetarin e Bashkësisë Islame të Kosovës, Myftiun Naim Tërnava, lidhur me Projektligjin për Fertilizimin e Asistuar Mjekësor dhe projektligjin që mundëson martesat e së njëjtës gjini.

Sipas Tërmkollit, kjo është shkelje flagrante e Kushtetutës dhe se deputetët që kanë marrë pjesë në këtë takim duhet të arrestohen dhe të përgjigjen para organeve të drejtësisë, raporton Express.

Lexo Edhe:

“Duda Balje si kryetare e Komisionit të Kuvendit të Kosovës për të drejtat e njeriut dhe anëtarë tjerë të komisionit paskan mbajtë dje takim me kryetarin e BIK-ut, Naim Tërnavën për të trajtuar projektligje të Kuvendit. Kjo është shkelje flagrante e Kushtetutës e cila garanton karakterin laik të shtetit të Kosovës. Sot, këta deputetë do të duhej të arrestoheshin dhe të përgjigjen para organeve të drejtësisë! A ka shtet këtu a çka dreqin po ndodhë me këtë vend?!”, ka shkruar Tërmkolli.

Ndryshe, për këtë takim ka njoftuar Bashkësia Islame e Kosovës, në faqen zyrtare. Në njoftimin e BIK thuhet se në këtë takim “u diskutua për shqetësimin e Myftiut Tërnava dhe të institucionit të Bashkësisë Islame të Kosovës, rreth ecurisë së miratimit të disa projektligjeve, e në veçanti miratimi i projektligjit për fertilizimin e asistuar, i cili kontribuon direkt në prishjen e institucionit të familjes”.

“Myftiu nuk la pa përmendur edhe takimin e përbashkët që kanë pasur edhe me prijësit e institucioneve të tjera fetare në vend, me të cilët edhe ka nënshkruar deklaratën e përbashkët për kundërshtimin e projektligjit që lejon martesat e së njëjtës gjini.  Nga ana e saj, znj. Balje, falënderoi Myftiun Tërnava për pritjen dhe për angazhimin e tij për një mirëqenie të të gjithëve”, thuhet tutje në njoftim