Dua Lipa pranon dhuratën miliona dollarëshe por nga kush?

Yjet

Gazeta Express

02/06/2025 20:38

Dua Lipa e ndau këtë moment të veçantë me ndjekësit në rrjetet sociale…

Së fundmi, ylli i muzikës pop Dua Lipa është surprizuar nga kompania Porsche; një Porsche 911 GT3 RS të personalizuar posaçërisht për të, si një gjest nderimi për suksesin e saj global dhe bashkëpunimin me markën.

Makina u prezantua gjatë fundjavës së Çmimit të Madh të Monakos, ku këngëtarja ishte e pranishme si e ftuar speciale.

Modeli unik, me dizajn të guximshëm dhe detaje ekskluzive, mban emrin e saj dhe ngjyrat blu tropikale dhe pjeshkë, të shoqëruara me motive gjashtëkëndëshe karakteristike të Porsche.

 Pjesa e pasme e makinës mbart logon “Rennstall Dua Lipa”, duke shënuar bashkimin e imazhit të artistes me traditën e gjatë të Porsche në garat elitare.

Me motor 4.0 litra dhe 518 kuaj fuqi, GT3 RS i personalizuar është një përzierje perfekte mes shpejtësisë, teknologjisë dhe luksit.

Brenda, makina është zbukuruar me detaje të punuara me dorë dhe elemente që pasqyrojnë personalitetin e këngëtares. Dua Lipa e ndau këtë moment të veçantë me ndjekësit në rrjetet sociale, duke postuar fotografi dhe video nga pista e Monakos.