Dua Lipa ka disa fjalë pas nominimit të filmit “Zgjoi” në listën e ngushtë për Oscars 2022 - Gazeta Express

Rozë

Gazeta Express

22/12/2021 10:21

Dua Lipa ka disa fjalë pas nominimit të filmit “Zgjoi” në listën e ngushtë për Oscars 2022

Rozë

Gazeta Express

22/12/2021 10:21

Akademia e Shkencave dhe Arteve ka shpallur të martën listën e ngushtë të nominimeve për 10 kategori në kuadër të Oscars 2022.

Lista e plotë e nominimeve do të bëhet e ditur më 8 shkurt, ndërsa për herë të parë në histori, një film kosovar është pjesë e listës së ngushtë të filmave të mundshëm për t’u nominuar në kategorinë “filmi më i mirë ndërkombëtar”.

Lexo Edhe:

Filmi “Zgjoi (Hive)” është tashmë në listën e ngushtë të 15 filmave të mundshëm për t’u nominuar, me çka ka gëzuar pa masë mbarë popullin e Kosovës.

Për këtë sukses duket ka reaguar edhe artistja shqiptare me renome ndërkombëtare, Dua Lipa.

Kjo e fundit ka rishpërndarë në InstaStory një postim të bërë nga regjisorja Blerta Basholli, ku e etiketuar ka qenë edhe vet Dua.

“Lajmi më i mirë për t’u zgjuar”, shkroi Lipa në InstaStory, duke iu gëzuar kështu suksesit të filmit “Zgjoi”.

Dua përndryshe së bashku me prindërit e saj, Dukagjinin dhe Anesën, ka qenë e pranishme fizikisht në premierën e “Zgjoi” në Shtetet e Bashkuara të Amerikës, ku ka takuar nga afër regjisoren Basholli, aktoren Gashi dhe ekipin realizues. /Telegrafi/