Drogë pranë shkollës, arrestohet 23-vjeçari në Gjakovë

Lajme

Gazeta Express

05/09/2025 9:05

Një aksion i Policisë në kuadër të Planit Operativ “Siguria në Shkolla” ka rezultuar me ndalimin e një të riu në Gjakovë, i cili dyshohet se po posedonte substancë narkotike.

Ngjarja ka ndodhur mbrëmë në rrugën “Ali Hasi”, në afërsi të shkollës fillore “Zekeria Rexha”, ku hetuesit e Drejtorisë për Hetimin e Trafikimit me Narkotikë kanë ndaluar një 23-vjeçar.

I dyshuari është identifikuar si Sh. D., rreth 23-vjeçar, tek i cili është gjetur një Joint (cigare e mbushur me substancë narkotike) me peshë rreth 1 gram.

Ai është shoqëruar në zyrat e DHTN-së për intervistim, ndërsa lënda narkotike është sekuestruar si provë materiale.

Pas konsultimit me Prokurorin, është iniciuar rasti penal për veprën “Posedimi i paautorizuar i narkotikëve, substancave psikotrope ose analoge”./Sinjali