“Drogë dhe sende të paligjshme drejt Anglisë”, goditet baza e falsifikimit të dokumenteve, arrestohet IT në Gjykatën e Korçës - Gazeta Express
string(121) "droge-dhe-sende-te-paligjshme-drejt-anglise-goditet-baza-e-falsifikimit-te-dokumenteve-arrestohet-it-ne-gjykaten-e-korces"

Shqiperi

Gazeta Express

18/05/2024 11:22

“Drogë dhe sende të paligjshme drejt Anglisë”, goditet baza e falsifikimit të dokumenteve, arrestohet IT në Gjykatën e Korçës

Shqiperi

Gazeta Express

18/05/2024 11:22

Prokuroria e Tiranës ka goditur bazën e prodhimit të dokumenteve të falsifikuara me qëllim kalimin drejt Anglisë të lëndëve narkotike dhe sendeve të paligjshme.

Një person është arrestuar.

Lexo Edhe:

“Prokuroria pranë gjykatës së shkallës së parë Tiranë kërkoi masën e sigurisë ‘Arrest në burg’ për shtetasin Zheni Loli, IT në Gjykatën e Rrethit Gjyqësor të Juriksionit të Përgjithshëm Korçë”, thuhet në njoftimin zyrtar.

Ai akuzohet pëe për veprat penale “Falsifikimi i dokumenteve”, “Mashtrimi” dhe “Ndihma për kalim të paligjshëm të kufijve”.

Nga hetimet rezultoi se shtetasi Zheni Loli, me aftësi të mira kompjuterike ka hapur subjektin e tij kancelarik i cili dyshohet se shërben si bazë për prodhimin e dokumenteve të falsifikuar me qëllim jo vetëm kalimin individual në vendet e BE-së por me qëllim kryesor kalimin drejt Anglisë të lëndëve narkotike dhe sendeve të tjera të kundraligjshme.

Pas kryerjes së veprimeve hetimore, vëzhgimeve, përgjimeve si dhe blerjeve të simuluara, u zbulua mekanizmi ku prodhoheshin dokumente të një cilësie të lartë që kishin gjithë kodet e sigurisë dhe që mund të kalonin çdo kontroll policor.

Në përfundim të veprimeve hetimore të kryera nga ana e specialistëve, rezulton se shtetasi Zheni Loli është njëri nga hallkat e këtij rrjeti që shërbejnë për kalimin e paligjshëm të kufirit nëpërmjet falsifikimit të dokumentave por jo vetëm dhe në kalimin e personave nëpërmjet rrugëve të tjera siç është ajo e transportit me kamion.

Nga ana e Specialistëve të Seksionit për Krimin Ekonomik e Financiar, u morën informacione në rrugë operative se shtetas të ndryshëm në bashkëpunim me njëri-tjetrin kundrejt pagesës ndihmojnë persona të caktuar për kalim të paligjshëm të kufirit nëpërmjet falsifikimit të kartave të identitetetit të shteteve Europiane dhe kryesisht karta identiteti italiane.

Me anë të këtyre kartave të falsifikuara këta shtetas duke shmangur kontrollet e bëjnë më të lehtë kalimin e lëndëve narkotike dhe sendeve të tjera të kundraligjshme jo vetëm në vendet e BE-së por me destinacion final Anglinë.