Drejtori i OJQ-së “Aktiv”, Miodrag Milicevic, në pesë udhëtime ishte shoqëruar me të dyshuarën për spiunazh Murganiq

Lajme

Gazeta Express

30/08/2025 14:44

Më 27 gusht, Gazeta Express ka raportuar lidhur me rastin e qytetares serbe nga Mitrovica e cila po dyshohet se është përfshirë në një aferë spiunimi bashkë me të dashurin e saj kroat, i cili është pilot i ushtrisë kroate.

Express siç kishte mësuar nga burimet e veta, e dyshuara serbe, 46 vjeçarja Ana Murganiq në disa udhëtime e kishte shoqëruar drejtorin e OJQ-së “Aktiv” Miodrag Miliçeviqin, dhe ish-anëtarin e ekipit menaxhues për krijimin e Asociacionit, Igor Kallamar.

Për këtë ka reaguar NGO “Aktiv”, duke thënë e emri i Miodrag Milicevic “përmendet pa asnjë bazë apo kontekst” dhe kanë thënë sipas tyre s’ka prova që lidhin Milicevicin me të dyshuarit për spiunazh.

Përkundër reagimit të OJQ-së “Aktiv”, Gazeta Express ka siguruar informacione ekskluzive nga burimet e saj lidhur me Miodrag Milicevic, drejtor i organizatës joqeveritare “Aktiv”.

Sipas të dhënave në të cilat ka pasur qasje Gazeta Express, Millicevic ka udhëtuar disa herë së bashku me Ana Murganiq nga Mitrovica e Veriut, e cila aktualisht është nën hetime për dyshime të rënda për spiunazh dhe lidhje me Listën Serbe, 4 herë kanë udhëtuar në vitin 2024 ndërsa një herë në vitin 2025.

Udhëtimi i parë është realizuar më 10 prill 2024, i dyti më 14 prill 2024, i treti më 14 qershor 2024, i treti më 18 nëntor 2024 dhe i pesti më 14 shkurt 2025./Expresss/