Dodik iu rikthehet provokimeve, xhandarmëria e tij tenton ta arrestojë një ushtar të Bosnjës

Lajme

Gazeta Express

10/11/2021 15:46

Anëtarë e xhandarmërisë së “Republika Srpskas” së Millorad Dodikt janë futur në barakat e Forcave të Armatosura të Bosnje e Hercegovinës në afërsi të Sarajevës me arsyetimin se duan ta arrestojnë një ushtar. Kështu ka bërë të ditur “Istraga.na” nga disa burime brenda Ministrisë së Punëve të Brendshme të Bosnjës dhe Forcave të Armatosura, transmeton Gazeta Express.

“Ata kanë ardhur me dy makina policie, një nga të cilat i përket xhandarmërisë. Rreth orës 3 pasdite, në hyrjen e barakave në Rajlovac, duke kërkuar për ushtarin me inicialet A.C, i cili dyshohet se ka kryer një grabitje”, ka thënë ky burim për Istraga.

Lidhur me këtë ka reaguar gazetari boshnjak, Jasmin Mujanoviq, i cili e ka konsideruar si një provokim të rrezikshëm të Dodikut.

Ky veprim i Millorad Dodikut vjen vetëm një ditë pas takimit që ka pasur me emisarin e SHBA-së për Ballkanin Perëndimor, Gabriel Escobar./GazetaExpress/

Another dangerous provocation by Dodik: RS police attempted to arrest a member of the BiH Armed Forces w/o having cleared their raid w/ local barracks commander. Given ongoing secession crisis, this reads clearly as SNSD regime testing waters on actual confrontation w/ BiH AF. https://t.co/0uPPI5Bqxw

— Jasmin Mujanović (@JasminMuj) November 10, 2021