Djali i njërit prej shoferëve të autobusit që u aksidentua në Bullgari: Iu gjet trupi në kabinë, ishte duke fjetur - Gazeta Express

Lajme

Gazeta Express

25/11/2021 14:06

Djali i njërit prej shoferëve të autobusit që u aksidentua në Bullgari: Iu gjet trupi në kabinë, ishte duke fjetur

Lajme

Gazeta Express

25/11/2021 14:06

Trupi i shoferi të dytë të autobusit që u aksidentua në autostradën e Strumës u gjet në kabinën e fjetjes në autobus. Djali i tij Besarti, ka thënë për televizionin bullgar BNT, se Kadri Memdi se tashmë e ka identifikuar trupin e të atit, teksa tha se ai ishte një 54 vjeçar me mbi 20 vite përvojë pune, transmeton Gazeta Express.

Besarti konfirmoi se babi i tij ka udhëtuar për në Turqi të enjten. E udhëtime të tilla ai bënte shpesh edhe në Gjermani dhe sipas djalit të tij i njihte mirë rrugët.

Lexo Edhe:

Dy doganierë u pushuan nga puna pasi nga kontrolli fillestar i Agjencisë Doganore rezultoi se ata kishin humbur autobusin që kalonte kufirin me Bullgarinë pa leje dhe se kalimi i autobusit nuk ishte fare i pasqyruar në sistem.

Republika e Maqedonisë së Veriut edhe sot është në zi për të vdekurit. Familjarët presin që trupat e viktimave të transportohen nga Bullgaria.

Tre ditë pas aksidentit të autobusit të RMV-së në autostradën “Struma” në Bullgarinë Perëndimore, autoritetet bullgare konfirmuan se në fatkeqësi kanë ndërruar jetë 44 persona dhe jo 46 siç raportuan paraprakisht, ndërkaq 8 persona kanë shpëtuar – prej tyre 7 janë lënduar dhe 1  nuk dihet se ku është./Express/