Dixon dhe Matterface propozojnë që mos t’i jepet “paga javore” Noussair Mazraoui

Futboll

Gazeta Express

08/02/2025 15:19

Yllit të Man Utd-it ju tha se duhet të ‘gjobitet me një javë pagë’ për atë që bëri gjatë fitores ndaj Leicesterit

Klubi i Old Trafford-it u kualifikua në raundin e pestë të FA Cup falë golit të vonë të Harry Maguire.

Një lojtar i Manchester United-it u kritikua ashpër dhe iu tha se duhet të “gjobitet me një javë pagë”, pasi komentatori i ITV, Lee Dixon, e kritikoi për një gabim të thjeshtë gjatë fitores ndaj Leicester City në FA Cup.

United siguroi kalimin në raundin e pestë të kompeticionit me një fitore 2-1 ndaj “Dhelprave” në Old Trafford mbrëmë.

Skuadra e Ruud van Nistelrooy kaloi në epërsi falë një goli nga afër të Bobby De Cordova-Reid, pasi Andre Onana e grushtoi topin drejt Wilfred Ndidi, i cili e dërgoi te sulmuesi kundërshtar.

United barazoi në pjesën e dytë kur krosimi i ulët i Alejandro Garnacho u devijua dhe përfundoi te Joshua Zirkzee, i cili e dërgoi topin në rrjetë, ndërsa dy zëvendësuesit u kombinuan bukur.

Dukej se ndeshja do të shkonte në kohë shtesë dhe ndoshta në penallti, me rezultatin e barabartë kur filloi koha shtesë.

Por United shënoi një fitore dramatike dhe të diskutueshme kur Harry Maguire realizoi me kokë pas një goditjeje të lirë të Bruno Fernandes.

Pamjet e përsëritura treguan se Maguire ishte në pozitë jashtë loje, por për shkak se VAR nuk aplikohet deri në raundin e pestë të FA Cup dhe gjyqtari anësor nuk ngriti flamurin, goli u konsiderua i vlefshëm, duke i eliminuar kështu “Dhelprat” nga kompeticioni.

United do të mësojë kundërshtarin e tij në raundin e pestë të hënën në mbrëmje, kur të hidhet shorti.

Ndeshja e mbrëmshme u transmetua drejtpërdrejt në ITV1, me Sam Matterface si komentator dhe ish-mbrojtësin e Arsenalit, Lee Dixon, si analist.

Dhe në fillim të pjesës së dytë, dyshja e komentatorëve vunë re një gabim të thjeshtë të bërë nga mbrojtësi i United-it, Noussair Mazraoui.

Reprezentuesi i Marokut, i cili iu bashkua United-it verën e kaluar nga Bayern Munich, ekzekutoi një rivënie të gabuar anësore dhe u ndëshkua nga gjyqtari Michael Salisbury, i cili i dha një goditje të lirë Leicesterit.

“Kjo ishte një rivënie e gabuar,” përpara se Dixon të shtonte mendimin e tij për incidentin – madje shkoi aq larg sa sugjeroi se Mazraoui duhet të “gjobitet me një javë pagë” për një gabim kaq të thjeshtë, i cili rrallë shihet në nivelin profesional dhe veçanërisht në Premier League” tha Matterface.

“Absolutisht, kjo ishte një rivënie e gabuar. Dua të them, ai duhet të gjobitet me një javë pagë për këtë! Si mund të mos hedhësh një top siç duhet? Nuk e sheh shpesh diçka të tillë, por ja ku jemi”, tha Dixon.

Pavarësisht këtij gabimi mbrëmë, Mazraoui është parë si një përforcim solid nga merkatoja e verës për një shumë relativisht të ulët prej 12.8 milionë funteve nga Bundesliga dhe ka bërë 36 paraqitje për United në të gjitha garat që nga ardhja e tij. /GazetaExpress/