Ditë më parë u përmbyll ‘Java e filmit në Mitrovicë’

Arte

Gazeta Express

19/09/2023 16:31

Me përkrahje të 7Arte, Qendrës Kinematografike të Kosovës dhe Ministrisë së Kulturës u përmbyll Java e Filmit në Mitrovicë.

Përgjatë 4 netëve qytetarët patën mundësinë të shohin filmat më të njohur kosovar ndër vite.

Java filloi me filmin “Vera andrron detin”, nën regji të Kaltrina Krasniqit, për të vazhduar tutje me filmin “Nëntori i Ftohtë” me regji të Ismet Sijarinës. Natën e tretë u shfaq filmi “Exile”, me regjisor Visar Morina, dhe për ta mbyllur javën u dha filmi “Në kërkim të Venerës” me regji të Norika Sefa.

/Express