Një ditë me mjaft befasi janë përshkruar sot Lojërat Olimpike “Tokyo 2020”.
Në kërcim së gjati me tre hapa në konkurrencën e femrave, Yulimar Royas nga Venezuela e rrëmbeu vendin e parë duke e thyer rekordin botëror për 17 centimetra.
Ajo kërceu 15.67 duke qenë kampione e padiskutueshme olimpike në Tokyo dhe duke lënë shumë prapa garueset tjera, shkruan Gazeta Express.
Në kërcim së larti në konkurrencën e meshkujve, nuk pati një kampion olimpik, por dy.
Essa Mutaz Barshim nga Katari dhe Gianmarco Tamberi nga Italia fituan të dy medaljen e artë me kërcim 2.37 metra, pa bërë asnjë gabim në pengesat paraprake.
Krejt në fund ishte finalja e 100 metrave në konkurrencën e meshkujve, ku pati edhe aty befasi.
Ishte italiani Lamont Marcell Jacobs që fitoi medaljen e artë me rekord personal 9.80 sekonda, duke lënë prapa vetes Fred Kerley dhe Andre de Grasse në pozitat dy dhe tre. /Gazeta Express/
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...