Dita Botërore e Metrologjisë

Lajme

Gazeta Express

20/05/2025 8:09

Sot është Dita Botërore e Metrologjisë, në të cilën shënohet përvjetori i nënshkrimit të Konventës së Metrit.

Në vitin 1875, në Paris u mbajt një konferencë diplomatike për metrin, ku shtatëmbëdhjetë qeveri shtetesh, nënshkruan traktatin e Konventës së Metrit.

Nënshkruesit e kësaj Konvente vendosen të krijojnë dhe financojnë një institut të përhershëm shkencor me emrin “Byroja Ndërkombëtare e Peshave dhe Matjeve”, që shkurtimisht njihet BIPM.

Kosova ka Agjencinë e Metrologjisë, si Institucion Nacional me qendër në Prishtinë dhe me njësinë rajonale në Prizren është në varësi të Ministrisë së Tregtisë dhe Industrisë.

AMK punon për zhvillimin e tre drejtimeve të metrologjisë në vendin tonë: metrologjisë shkencore, industriale dhe metrologjisë ligjore.