Distria Krasniqi mbetet pa medalje në Grand Slam Baku - Gazeta Express

Sporte tjera

Gazeta Express

05/11/2021 15:15

Distria Krasniqi mbetet pa medalje në Grand Slam Baku

Sporte tjera

Gazeta Express

05/11/2021 15:15

Distria Krasniqi është rikthyer në kategorinë 52 kilogramë pa sukses.

Lexo Edhe:

Xhudistja pejane nuk ka arritur të fitojë medalje në Grand Slam Baku 2021.

Pas të artës që e fitoi në Olimpiadën e Tokios, garuesja kosovare shihej si favorite në këtë garë, por nuk ia doli të buzëqeshte prapë.

Ajo e humbi përballjen kryesore për medalje të bronztë, në garën që po mbahet në Azerbajxhan, shkruan Gazeta Express.

Xhudistja kosovare e humbi luftën për medalje të bronztë përmes repesazhit pasi u mposht me Ippon nga rusja Anastasia Polikarpova.

Dominimi në këtë luftë ishte i pamjaftueshëm për “Disin” dhe asaj i kushtoi një pakujdesi në “golden-score”.

Paraprakisht, “Disi” në rrethin e parë e mposhti me Wazzaari japonezen Nanako Tsubone.

E në atë të dytë fatkeqësisht u mposht me Ippon nga hungarezja Pupp Reka.

Krasniqi më pas e mundi me Ippon belgen Amber Ryheul në meçin e parë të repesazhit para se ta humbiste meçin kryesor për medalje. /Gazeta Express/