Distria Krasniqi kualifikohet në çerekfinale të Botërorit të xhudos

Sporte tjera

Gazeta Express

06/06/2021 12:18

Distria Krasniqi ka arritur të kualifikohet në çerekfinale të Kampionatit Botëror të xhudos që po mbahet në Budapest të Hungarisë.

Krasniqi në raundin e tretë pati punë me xhudisten Sabina Giliazovan, të cilën e mposhti me Wazari, shkruan Gazeta Express.

Meçi shkoi në Golden Score, ndërsa ishte mjaft i barabartë, por në fund Krasniqi tregon pse është” mbretëresha” e kategorisë deri në 48 kilogramë në xhudo.

Në çerekfinale, Distria Krasniqi do të përballet me xhudisten spanjolle, Laura Martinez Abelenda.

Paraprakisht, Krasniqi dy raundet e para i kaloi pa luftë. /Gazeta Express/