Disa fshatra të Klinës mbesin pa ujë për shkak të punimeve

Gazeta Express

10/03/2026 19:16

Disa fshatra të komunës së Klinës do të mbesin përkohësisht pa furnizim me ujë të pijes për shkak të punimeve që po realizohen në rezervuar.

Në njoftimin e Kompanisë Rajonale të Ujësjellësit “Hidrodrini”, thuhet se në kuadër të Njësisë Operative në Klinë po kryhen punime gjenerale për pastrim në rezervarin e Pograxhës.

Përfshirë fshatrat: “Pograxhë, Jashanicë, Shtupel, Kerrnicë, Dush, Gjurgjevik i Madh, Ujmire, Shtaricë, Siqevë, Dollc dhe Dresnik”.

Planifikohet që punimet të përfundojnë nesër deri në mesditë, vijon njoftimi.