Dimitrievski: Shumica e Badenterit e vë në pikëpyetje funksionalitetin e shtetit

Maqedoni

Gazeta Express

30/08/2025 10:22

Rregulli i Badenterit në disa momente e vë në pikëpyetje funksionalitetin e shtetit, theksoi lideri i ZNAM-it, Maksim Dimitrievski, duke komentuar deklaratën e ministrit të Drejtësisë, Igor Filkov, se shumica e Badenterit po keqpërdoret dhe se ndoshta ka ardhur koha për rishikimin e tij.

“Deklarata e ministrit Filkov ka të bëjë ekskluzivisht me funksionalitetin e rregullit të Badenterit. Për ne si subjekt politik, Marrëveshja Kornizë është çështje e përfunduar, e pranuar dhe është plotësisht e zbatuar. Por fakt është që në disa momente rregulli i Badenterit e vë në pikëpyetje funksionalitetin e shtetit, dhe këtë do ta kemi të konfirmuar pas përfundimit të zgjedhjeve lokale,” tha Dimitrievski.