Digjet një automjet në ecje në aksin Elbasan–Tiranë, nuk ka të lënduar

Shqiperi

Gazeta Express

01/06/2025 11:19

Një incident ka ndodhur sot në aksin kombëtar Elbasan–Tuneli i Krrabës–Tiranë, në afërsi të fshatit Dopaj, ku një automjet është përfshirë nga flakët teksa ishte në lëvizje.

Sipas burimeve paraprake, zjarri ka shpërthyer papritur në pjesën e përparme të makinës, duke detyruar drejtuesin e mjetit të ndalojë menjëherë dhe të largohet nga automjeti.

Fatmirësisht, nuk raportohet për persona të lënduar, ndërsa mjeti është djegur thuajse plotësisht.

Në vendngjarje kanë mbërritur shpejt forcat zjarrfikëse dhe patrullat e policisë, të cilat bënë të mundur shuarjen e flakëve dhe sigurimin e zonës për të shmangur rrezikun për mjetet e tjera që qarkullonin në rrugë.

Shkaqet e zjarrit mbeten ende të paqarta, por dyshohet për një defekt teknik në sistemin elektrik të automjetit.