Detaje nga shpërthimi i fuqishëm që tronditi dje Turqinë - Gazeta Express

Gazeta Express

27/10/2020 7:49

Me i fundit

Detaje nga shpërthimi i fuqishëm që tronditi dje Turqinë

Gazeta Express

27/10/2020 7:49

Një shpërthim i fuqishëm është regjistruar këtë të hënë në Turqi, në qytetin Iskenderun, që ka tronditur vendin.

Mediat turke bëjnë me dije se fillimisht dyshohet se ka qenë një person që ka shkëmbyer zjarr me policinë.

Lexo Edhe:

pressing

E më pas i dyshuari ka hedhur veten në erë me bombën që kishte të lidhur në trup.

Ambulancat dhe skuadrat e policisë janë dërguar në rrethin İskenderun të provincës jugore turke Hatay, pas shpërthimit që goditi rrugën Fener të qytetit, e cila është mbyllur për trafik pas incidentit.

Guvernatori i provincës Hatay, Rahmi Doğan, në llogarinë e tij në twitter njoftoi se nuk ka pasur viktima nga incidenti.

Doğan tha se shpërthimi ndodhi menjëherë pasi forcat e sigurisë neutralizuan njërin nga dy terroristët e dyshuar, të cilët po i ndiqnin:

“Policia u vu në ndjekje të 2 terroristëve për të cilët dyshoi gjatë kontrollit në një postbllok të ngritur në nënprefekturën Iskenderun të Hatay-it, në jug të Turqisë. Ndërkaq një terrorist që përpiqej t’i shpëtonte me makinë ndjekjes së policisë hodhi veten në erë. Në zonë vazhdon operacioni për kapjen e terroristit tjetër”.