Deputeti i VV Agim Bahtiri përsëri me tendenca vetëlënduese: E pres dorën…, para 9 vitesh thoshte e vras vetën

Lajme

Gazeta Express

30/08/2025 21:26

Agim Bahtiri, deputeti i Lëvizjes Vetëvendosje, përmes një postimi të bërë në Facebook, ka thënë se ai më para do ta presë dorën e tij, se sa të ia jap votën ‘për’ një deputetit të Listës Serbe për nënkryetar të Kuvendit të Kosovës.

Bahtiri ka deklaruar se ai s’ia jep votën deputetëve të kësaj partie se s’mund të harrojë gjenocidin që ‘‘shteti të cilin ata e mbrojnë bëri mbi popullin tonë’’.

‘‘Më përpara e pres dorën, sesa me këtë dorë t’i jap voten PËR, listës kriminale serbe!

Nuk i jap votë! Nuk i jap sepse nuk mund të harroj gjenocidin që shteti të cilin ata e mbrojnë bëri mbi popullin tonë: Mbi 13,500 civil të vrarë (prej të cilëve rreth 1200 fëmijë dhe 1700 gra); •- Mbi 6000 persona u raportuan të zhdukur pas luftës, ku edhe sot (2025) mbi 1600 figurojnë ende të zhdukur;•- Mbi 20,000 gra dhe vajza të pafajshme u përdhunuan sistematikisht nga ushtria, policia dhe paramilitarët serbë; •- Mbi 800,000 shqiptarë të Kosovës u dëbuan me dhunë nga shtëpitë e tyre gjatë spastrimit etnik të pranverës 1999; •- Mbi 100,000 shtëpi dhe objekte civile u dogjën dhe u shkatërruan. •- Me dhunë të pareshtur, dëbuan mbi 13,000 shqiptarë nga Veriu, ku shumë prej tyre i ekzekutuan në sy të familjeve’’, ka shkruar mes tjerash ai.

Ndryshe, vite më parë, kur Bahtiri ishte kryetar i komunës së Mitrovicës, kishte deklaruar se do ta vras vetën nëse ai e ka keqpërdorur një cent nga shteti i Kosovës.

“Në qoftë se një Gjykatë do të argumentonte se një cent i Kosovës është keqpërdoru nga unë, unë do ta vras veten”, ka thënë Bahtiri duke shtuar se “unë kam ardhur për të punuar dhe kontribuar për këtë vend”, kishte thënë ai në Info Magazine të Klan Kosovës.