Deputeti i PDK-së, Artan Behrami takon Richard Grenellin

Lajme

Gazeta Express

16/05/2025 9:11

Deputeti i Partisë Demokratike të Kosovës, Artan Behrami, është takuar me ish-emisarin e posaçëm të SHBA-së për dialogun Kosovë-Serbi, Richard Grenell. Lajmin e ka bërë të ditur vetë Behrami përmes një postimi në Facebook, ku ka shpërndarë edhe një fotografi nga takimi.

Në fotografinë e publikuar, Behrami dhe Grenell shihen në një ambient zyrtar me flamurin amerikan në sfond. Deputeti i PDK-së ka falënderuar Grenellin për mikpritjen dhe bisedën konstruktive.

“Me Ambasadorin Grenell-një mbështetës i madh i Kosovës dhe një luftëtar i palëkundur për drejtësi!”, ka shkruar Behrami.

Richard Grenell ka qenë një figurë kyçe në përpjekjet për normalizimin e marrëdhënieve mes Kosovës dhe Serbisë gjatë administratës Trump dhe vazhdon të mbetet një emër me ndikim në politikën amerikane.