Deliu-Kodra: Raporti i DASH-it shpërfaq paaftësinë e Qeverisë për të ndërtuar institucione të pakorruptura - Gazeta Express
string(105) "deliu-kodra-raporti-i-dash-it-shperfaq-paaftesine-e-qeverise-per-te-ndertuar-institucione-te-pakorruptura"

Deliu-Kodra: Raporti i DASH-it shpërfaq paaftësinë e Qeverisë për të ndërtuar institucione të pakorruptura

Lajme

Gazeta Express

23/04/2024 9:21

Deputetja e Partisë Demokratike të Kosovës (PDK), Blerta Deliu-Kodra, ka vlerësuar se Raporti i Departamentit Amerikan të Shtetit për të drejta të njeriut tregon paaftësinë e Qeverisë së Kosovës për të ndërtuar institucione të pavarura e kredibile. 

Sipas saj ky raport tregon se në çfarë gjendje e ka sjellë vendin Qeveria e udhëhequr nga Albin Kurti.
“Raporti flet për korrupsion serioz qeveritar dhe mosndëshkim të zyrtarëve qeveritarë, probleme me pavarësinë e gjyqësorit, kufizimet serioze ndaj lirisë së shprehjes dhe lirisë së mediave, dhunë të gjerë me baza gjinore, përfshirë dhunë në familje, krimet e dhunshme, apo kërcënimet për dhunë ndaj pakicave etnike dhe komunitetet e tjera”, ka shkruar Deliu-Kodra.

Lexo Edhe:

Ajo ka vlerësuar se raportet për Kosovën do të vazhdojnë të përkeqësohen në një Qeveri, në të cilën sipas saj, politikanët tentojnë të frikësojnë mediat.

Raporti i Departamentit të Shtetit për të Drejtat e Njeriut thotë se nuk pati ndryshime domethënëse gjatë vitit 2023 për situatën e të drejtave të njeriut në Kosovë. Ndër raportimet më të rëndësishme në lidhje me të drejtat e njeriut ishin problemet serioze me pavarësinë e gjyqësorit; kufizimet serioze ndaj lirisë së shprehjes dhe lirisë së mediave, përfshirë edhe nëpërmjet dhunës apo kërcënimeve ndaj gazetarëve; korrupsioni serioz i qeverisë; dhuna e gjerë me baza gjinore, përfshirë dhuna në familje, apo ndaj partnerëve; si dhe krimet e dhunshme, apo kërcënimet për dhunë ndaj pakicave etnike dhe komunitetet e tjera.

Raporti i Departamentit të Shtetit thotë se qeveria e Kosovës ndërmori hapa të besueshëm, por jo të vazhdueshëm për të identifikuar, hetuar, akuzuar dhe ndëshkuar zyrtarët që mund të kenë abuzuar me të drejtat e njeriut.